A creación de sinerxias entre os socios será unha das prioridades da nova directiva presidida por María Luisa Pérez Iglesias

Os integrantes da nova directiva de ACEBE CCA / ARUME

Un equipo "unido, ilusionado, con moitas ideas e con gañas de traballar". Así define a presidenta, Mª Luisa Pérez Iglesias (Óptica, Parafarmacia e Herboristería Selgas), á nova directiva da Asociación de Comerciantes e Empresarios de Betanzos, Centro Comercial Aberto (ACEBE CCA) elixida por unanimidade nas eleccións celebradas o 16 de novembro.

A directiva combina a contrastada experiencia de comerciantes e empresarios cunha longa traxectoria, coa ilusión e valentía de novas emprendedoras que abriron máis recentemente os seus negocios.

Acompañan a Mª Luisa Pérez á fronte de ACEBE CCA: Claudia Marques da Silva (El Cantón Ropa Interior) como vicepresidenta; Eva García Díaz (Xoma Kids) como secretaria; José Mª Presas Fuentes (Confecciones Chela) como tesoureiro; Yolanda Sousa García (Fuchica Na Testa), Mónica Souto Seijo (Óptica Brigantium) e Susana Mourón Barral (Comercial Veiga) como vogais. Completan o equipo Cayetana Pena Vidal (Cayetana Pena Nutricionista) e Belinda Lameiro Sánchez (A Peixaría de Belinda) que, ademais de vogais da xunta directiva ocuparanse da dirección de "Betanzos e a súa comarca", o periódico que edita a asociación dende hai case trinta anos.

Tralas primeiras xuntanzas, o novo equipo directivo definiu as súas prioridades a curto prazo, entre as que destacan a creación de sinerxias entre os asociados para promover a unión e xerar beneficios mutuos entre diferentes sectores.

As súas liñas de traballo irán encamiñadas a fomentar a participación dos socios e socias, a incrementar a presenza da asociación na vida social e cultural, a organizar accións promocionais periódicas e actividades formativas coa finalidade de dinamizar e promocionar os sectores comercial, empresarial e hostaleiro ao que representan.


Noticia extraída do Nº 349 de Betanzos e a súa comarca

Novas relacionadas


A CAMPAÑA DÍAS AZUIS DO COMERCIO GALEGO SORTEA 12.000 EUROS EN PREMIOS

23/06/2022

Xa está en marcha unha nova edición da campaña "Días Azuis do Comercio Galego" que sorteará 12.000 euros en premios entre os clientes dos negocio...


leer máis


A CAMPAÑA BETANZOS ÉNCHESE DE SOLES DE ACEBE CCA REPARTIRÁ 32 PREMIOS VALORADOS EN 1200 EUROS

23/05/2022

“Betanzos énchese de soles” é o lema da novidosa campaña que a Asociación de Comerciantes e Empresarios de Betanzos, Centro Comercial Aberto (...


leer máis


ACEBE CCA ORGANIZA UN CONCURSO DE REDACCIÓN CON MOTIVO DO DÍA DA NAI

05/04/2022

ACEBE CCA organiza un concurso de redacción para escolares de entre 6 e 12 anos baixo o lema "Hoxe escribo sobre a miña nai". Os nenos e nenas que p...


leer máis


DOCE EXPOSITORES PARTICIPAN NO “BETANZOS SHOWROOM CELEBRA” DE ACEBE CCA

21/03/2022

Unha ducia de expositores relacionados coa celebración de eventos daranse cita na primeira edición de “Betanzos Showroom Celebra”, organizado po...


leer máis