A farmacia Couceiro recibe a medalla de prata de Betanzos polos seus 300 anos de historia

A corporación, presidida pola alcaldesa, María Barral, acompaña ás responsables da Farmacia Couceiro no acto de entrega da medalla / ARUME

A Farmacia do Dr. Couceiro recibiu a medalla de prata de Betanzos en recoñecemento aos seus tres séculos de historia. A alcaldesa, María Barral, fixo entrega da distinción á actual propietaria, María Sánchez, que constitúe a novena xeración da mesma familia que rexenta esta emblemática farmacia.

A primeira referencia que se conserva sobre o establecemento data de 1719. Trátase dun expediente que se conserva no Arquivo Municipal no que se reflicte un preito entre dúas boticas, unha delas pertencente a Alonso Bermúdez de Castro, o primeiro propietario da farmacia. Ata a data de hoxe son nove as xeracións da mesma familia as que rexentaron o establecemento que segue a manterse no seu emprazamento orixinal.

María Barral subliñou que "é máis que un negocio, un monumento onde tradición e modernidade combínanse", dixo, xa que o local segue a manter a decoración de finais do século XIX, conserva os botes orixinais de hai centos de anos, pesas e instrumental antigos.

A súa botica e rebotica e o laboratorio, no que aínda se seguen a fabricar pomadas e xarabes seguindo as antigas receitas herdadas dos antergos, constitúen un auténtico museo da historia familiar pero tamén da evolución da actividade farmacéutica nos últimos trescentos anos.

Esta distinción súmase a outras con que foi recoñecida a farmacia como a Medalla de Prata de Galicia outorgada pola Xunta de Galicia.


Noticia extraída do Nº 321 de Betanzos e a súa comarca

Novas relacionadas


A RESTAURACIÓN DO ESTANQUE DO RETIRO CUSTARÁ AO REDOR DE 525.000 EUROS E SAIRÁ A LICITACIÓN NUNS MESES

17/01/2020

O Concello conta de sacar a licitación o proxecto de conservación e restauración do Estanque do Retiro “no prazo máis breve posible, aínda que ...


leer máis


ACEBE CCA CELEBRA HOXE A XORNADA SOLIDARIA NO PARQUE INFANTIL DE XOGOS

23/12/2019

Hoxe 23 de decembro o parque infantil de xogos que ACEBE CCA ten instalado na Praza dos Irmáns García Naveira, celebrará a súa xornada solidaria. ...


leer máis


OS CALENDARIOS SOLIDARIOS DO IES FRANCISCO AGUIAR PARA NOEL XA PODEN MERCARSE NUNHA VINTENA DE COMERCIOS ASOCIADOS A ACEBE CCA

19/12/2019

Unha vintena de comercios e empresas asociados a ACEBE CCA puxeron xa á venda os calendarios solidarios en favor da causa de Noel, o neno betanceiro ...


leer máis


UNHA VINTENA DE COMERCIOS ASOCIADOS A ACEBE CCA COMEZAN HOXE O “BLACK FRIDAY”

22/11/2019

Un total de 23 comercios asociados a ACEBE CCA acordaron sumarse á iniciativa promocional “Black Friday” e ofrecerán descontos aos seus clientes...


leer máis