A Reserva de Biosfera recibe o Premio Michel Batisse da Unesco

A delegación da Reserva que recolleu o premio, encabezada polo presidente da Reserva e alcalde de Abegondo, José Antonio Santiso, e polo vicepresidente e alcalde de Paderne, César Longo

A Reserva de Biosfera Mariñas Coruñesas e Terras do Mandeo acaba de recibir o máximo recoñecemento medioambiental que concede a Unesco, o Premio Michel Batisse, polo plan alimentario para a comarca.

O proxecto de As Mariñas foi elixido para representar a España na edición deste ano do certame pola preservación dos produtos ecolóxicos locais que contribúen a protexer e conservar as especies autóctonas e ao desenvolvemento sostible.

O galardón, creado en 1989 para recoñecer proxectos innovadores das reservas de biosfera de todo o mundo, valora o labor que se está a desenvolver en favor da xeración de emprego, da promoción e respeto pola biodiversidade a loita contra o cambio climático no territorio.

O premio, que se concede cada dous anos, está dotado con 12.000 dólares e cada país só pode presentar un proxecto candidato. Nesta ocasión o proxecto proposto por España foi o das Mariñas.

A París desprazouse unha delegación da Reserva, encabezada polo presidente, e alcalde de Abegondo, José Antonio Santiso, e o Vicepresidente e alcalde de Paderne, César Longo. Tamén asistiron ao acto de entrega do premio Rodrigo López e Liss Becerra, exconcelleiros de Oleiros e Sada, Cristina Bañobre e Rocío Permuy, produtora local das patacas "Daterra" e o xerente da Reserva, Jorge Blanco.

O premio entregouse no marco do Consello Internacional de Coordinación do Programa sobre o Home e a Biosfera (MAB) da Unesco, en París, onde tamén se entregaron becas a científicos novos. Esta importante distinción chega cando se cumpren seis anos dende a obtención da denominación Reserva de Biosfera Mariñas Coruñesas e Terras do Mandeo da que forman parte Abegondo, Aranga, Arteixo, Bergondo, Betanzos, Cambre, Carral, Coirós, Culleredo, Curtis, Irixoa, Miño, Oleiros, Oza-Cesuras, Paderne, Sada e Sobrado.


Noticia extraída do Nº 320 de Betanzos e a súa comarca

Novas relacionadas


A ALCALDESA ANUNCIA EN FITUR A INTENCIÓN DE CREAR UN SELO DE GARANTÍA DA TORTILLA DE BETANZOS

22/01/2020

Betanzos busca avanzar na promoción da tortilla de Betanzos coa creación dun selo de garantía para os hostaleiros do municipio. Así o anunciou a a...


leer máis


A RESTAURACIÓN DO ESTANQUE DO RETIRO CUSTARÁ AO REDOR DE 525.000 EUROS E SAIRÁ A LICITACIÓN NUNS MESES

17/01/2020

O Concello conta de sacar a licitación o proxecto de conservación e restauración do Estanque do Retiro “no prazo máis breve posible, aínda que ...


leer máis


ACEBE CCA CELEBRA HOXE A XORNADA SOLIDARIA NO PARQUE INFANTIL DE XOGOS

23/12/2019

Hoxe 23 de decembro o parque infantil de xogos que ACEBE CCA ten instalado na Praza dos Irmáns García Naveira, celebrará a súa xornada solidaria. ...


leer máis


OS CALENDARIOS SOLIDARIOS DO IES FRANCISCO AGUIAR PARA NOEL XA PODEN MERCARSE NUNHA VINTENA DE COMERCIOS ASOCIADOS A ACEBE CCA

19/12/2019

Unha vintena de comercios e empresas asociados a ACEBE CCA puxeron xa á venda os calendarios solidarios en favor da causa de Noel, o neno betanceiro ...


leer máis