A Xunta abre o prazo de adhesión dos establecementos comerciais á campaña Bono Activa Comercio

A Xunta de Galicia, en colaboración coa Federación Galega de Comercio e coas Asociacións Provinciais, pon en marcha a campaña Bono Activa Comercio para contribuir a incentivar o consumo nos establecementos comerciais de proximidade.

A iniciativa permitirá que cada cliente dispoña dun bono de 30 euros que poderá ir descontando nos comercios adheridos á campaña, que se identificarán mediante un distintivo.

Os establecementos comerciais que desexen sumarse á proposta deberán adherirse a través deste enlace. O prazo de adhesión estará aberto dende o 13 de outubro ata o 20 de novembro de 2022.

Os clientes poderán descargar os bonos desde o 24 de outubro ata o 31 de decembro para beneficiarse dos descontos. Estableceranse tres tramos de gasto nos que se aplicarán os descontos. Para compras entre 20 e 29 euros descontaranse 5 euros; entre 30 e 49 euros o desconto será de 10 euros; e para compras iguais ou superiores a 50 euros o desconto será de 15 euros.