A Xunta abre a inscrición dos comercios na campaña Bonos Activa Comercio

master1305/ freepik.es

A Xunta acaba de abrir a inscrición dos establecementos comerciais á campaña Bonos Activa Comercio, unha iniciativa mediante a que se ofrecen aos clientes vales desconto de 30 euros para fomentar o consumo no comercio de proximidade. En compras iguais ou superiores a 30 euros, o cliente recibirá un desconto de 5 euros que se duplicará no caso de compras iguais ou superiores a 50 euros, ata esgotar o crédito de 30 euros. Estas rebaixas realizaranse a través dunha App que o comerciante deberá descargar no móbil ou tablet que empregue no seu establecemento.

Os comercios que desexen anotarse para formar parte da campaña e para que os bonos de desconto poidan aplicarse nos seus negocios teñen que darse de alta na páxina web www.bonosactivacomercio.gal e cubrir o formulario de rexistro. O prazo para adherirse ao programa estará aberto dende o 15 de abril ata o 15 de maio.

Os clientes, que previamente terán que inscribirse no programa, poderán descargar os bonos a partir do 3 de maio e terán unha vixencia de tres meses. Os comercios rexistrados recibirán dípticos explicativos e unha pegatina identificativa para que os clientes saiban que están adheridos á campaña, aínda que a propia APP do programa permitirá aos clientes xeolocalizar os negocios.

Para que a iniciativa sexa un éxito é necesaria a alta dos comercios e tamén a dos clientes, polo que é fundamental que dende os negocios se anime aos compradores a darse de alta na APP para que se beneficien dos descontos. Polo momento só está aberto o prazo de inscrición para os negocios e proximamente abrirase para os clientes.

A campaña ten un orzamento de 10 millóns de euros e a Xunta prevé a súa ampliación no caso de que sexa preciso. Cada establecemento só poderá canxear ata un máximo de 5.000 euros en vales.


Novas relacionadas


MERCANAVILA DA DEPUTACIÓN OFRECE DESCONTOS DE ATA 100 EUROS NO COMERCIO DE PROXIMIDADE

19/10/2026

A Deputación de A Coruña, en colaboración coa Federación Galega de Comercio impulsa por segundo ano o programa MercaNaVila co obxectivo de apoiar ...


leer máis


A CAMPAÑA “DÍAS AZUIS DO COMERCIO GALEGO” SORTEA 20000 EUROS EN PREMIOS NA SÚA EDICIÓN DE VERÁN

10/06/2024

A Campaña "Días Azuis do comercio galego" sorteará na súa edición de verán 20000 euros en tarxetas regalo para gastar no pequeno comercio de pro...


leer máis


A XUNTA PON EN MARCHA A CAMPAÑA BONO ACTIVA COMERCIO A PARTIR DO 26 DE ABRIL

24/04/2024

A Xunta de Galicia, en colaboración coa Federación Galega de Comercio e coas Asociacións Provinciais, acaba de poñer en marcha a campaña Bono Act...


leer máis


A EDICIÓN DE VERÁN DA CAMPAÑA DÍAS AZUIS DO COMERCIO GALEGO SORTEA 12000 EUROS EN PREMIOS

01/06/2023

Comeza a Campaña Días Azuis do Comercio Galego que se desenvolverá entre o 5 e o 25 de xuño e que sorteará 12.000 euros en tarxetas regalo entre ...


leer máis