Os calendarios solidarios do IES Francisco Aguiar para Noel xa poden mercarse nunha vintena de comercios asociados a ACEBE CCA

Unha vintena de comercios e empresas asociados a ACEBE CCA puxeron xa á venda os calendarios solidarios en favor da causa de Noel, o neno betanceiro que loita contra un tumor cerebral.

A iniciativa foi promovida polo Equipo da Biblioteca Sebastián Buedo Jiménez do IES Francisco Aguiar, o instituto no que estuda Noel. O centro convocou un concurso de debuxo entre o alumnado e seleccionáronse doce ilustracións que corresponden a cada mes do ano.

En total imprimíronse un milleiro de calendarios que se venderán a un prezo de 5 euros cada un. Poden mercarse na secretaría do IES Francisco Aguiar, nos comercios asociados a ACEBE CCA que se sumaron á iniciativa e nas oficinas de ACEBE CCA (de luns a venres en horario de 10.00 a 14.00 horas). Os beneficios íntegros destinaranse ao proxecto contra o meduloblastoma promovido pola Fundación Cris Contra el Cáncer.

Os establecementos asociados a ACEBE CCA nos que poden mercarse os calendarios son: Badía Asistencial, Betantur, Casa do Queixo, Complementos Adrezo, Complexo Deportivo O Carregal, Dans, Don Dino, Freesia, Graf, Libraría Biblos, Marán, La pelu de Nana, Libraría Brea, Óptica Betanzos, Óptica Brigantium, Ortopedia Betanzos, Solís Soluciones, Tikismikis, Todo Deporte, Xoma Kids, Pan Betanzos e Cafetería las Cuevas.

Participaron no certame máis de corenta alumnos e alumnas. Os debuxos escollidos para ilustrar o calendario son obra de Judith Otero Villar, Inés López Rúa, María Lata Cagiao, Claudia Pérez Amor, Sara Sánchez Negoita, Matilda Silva Sánchez, Alba Vázquez Velo, Pablo Gilsanz Pérez, Lía Janeiro de la Fuente, Inés Fraga Castro, Andrea Segade Martínez e Nuria Beiro Doldán.