Manuel Pedreira abre o ciclo de charlas que organiza ACEBE CCA coas súas asesorías asociadas

Manuel Pedreira, titular da Asesoría Apebe, en Betanzos, foi o encargado de abrir o ciclo de charlas formativas que organiza ACEBE CCA en colaboración coas súas asesorías asociadas. A conferencia, titulada “A xornada de traballo. Comentarios ao criterio técnico 101/2019 sobre actuación da inspección de traballo e seguridade social en materia de rexistro de xornada” celebrouse o xoves 4 de xullo ás 21.00 horas no Salón Azul do Edificio Liceo.

Trala conferencia, na que afondou na nova lexislación sobre o rexistro da xornada laboral e a actuación da inspección de traballo e seguridade social,  abriuse unha quenda de preguntas na que Manuel Pedreira resolveu as dúbidas e consultas que lle formularon as persoas asistentes.

O ponente, Manuel Pedreira, é Graduado Social, Procurador e profesor do Master de Xurisdicción Social da ERLAC.

A esta charla seguirán outras nas que se abordarán cuestións de interese para o sector empresarial e que, ao igual que ésta, serán de entrada libre para o público en xeral.