Unha trintena de negocios asociados celebra o Samaín con doces sorpresas

Un total de 26 negocios de diferentes sectores asociados a ACEBE CCA celebrará o Samaín agasallando con doces e golosinas aos nenos e nenas que acudan disfrazados aos seus locais na tarde do 31 de outubro. Dende a praza dos Irmáns García Naveira ata o barrio da Condesa, pasando polas calexas e polas céntricas Rúa do Rollo, Rosalía de Castro, Doctor José Fariña e Avenida García Naveira atoparás comercios, locais de hostalería, establecementos de estética, ópticas e outros negocios nos que xogar ao “truco ou trato”.

Os nenos e nenas poderán recoller os doces e golosinas nos seguintes establecementos: Café Europa, Colors, Comercial Veiga, Cuore, Dans, Don Dino, El Cantón Ropa Interior, Fontela 2000, Gadis, La Travesía, Larpeiradas Babel, Manuela Ferreira, Maskesueños, Moita Miga, On Training, Óptica Tábora, Óptica Brigantium, Óptica-Parafarmacia-Herboristería Selgas, Piccola, Puntadas con amor, Supermercado Bonome, SV Estética, Tocho Comercial, Todo Deporte, Un mundo de Fruta e Xoma Kids.

Dende a directiva de ACEBE CCA agradecen a alta participación nesta iniciativa, organizada pola asociación e animan a visitar os negocios inscritos para levar unha doce sorpresa. A actividade está cofinanciada pola Xunta de Galicia, a Deputación da Coruña e o Concello de Betanzos e conta coa colaboración de Gadis.