Pescada en salsa de pementos de piquillo

Receita cedida por Ternera Grill

Ingredientes:

Para 4 persoas

8 toros de pescada

200 ml de tomate frito

1 folla de loureiro

1 cebola

Aceite de oliva

Sal e pementa

Perexil ao gusto

1 bote de pementos de piquillo

8 patacas medianas

3 dentes de allo

500 ml de fumé

Elaboración:

1-Nunha tixola poñemos a lume medio a cebola e os allos, previamente picados, cun chorriño de aceite de oliva. Salpimentamos.

2-Cando estea pochado agregamos o bote de pemento de piquillo e deixamos 2 minutos. Retiramos do lume e triturámolo.

3-Despois colocámolo nunha pota coa folla de loureiro, o perexil, o fumé e o tomate frito. Deixamos que se integren os sabores durante uns 3 minutos.

4-Neste punto agregamos as patacas previamente cocidas e peladas, e a pescada. Corriximos o sal se fose necesario.

5-Tapámolo e deixamos durante uns tres minutos máis ou ata que a merluza se cociñe.

6-Retiramos do lume e servimos