Mousse de chocolate

Receita cedida por Mesón Avenida

Ingredientes:

175 g de chocolate fondant

4 ovos

60 g de azucre

30 g de manteiga

1 pizca de sal

Elaboración:

1.-Separamos as xemas das claras e reservamos no frigorífico. 

2.-Poñemos o chocolate ao baño maría e deixamos que se funda, engadimos o azucre e mesturamos ben.

3.-Sacamos o cazo que contén o chocolate fóra do calor e engadimos a manteiga ou margarina, mesturamos e agregamos as xemas de ovo, de unha en unha, e mesturamos ben cunhas varillas.

4.-Volvemos a poñer ao baño maría e deixamos un par de minutos máis removendo cunhas varillas todo o tempo. Quitamos do lume e reservamos.

5.-Montamos as claras a punto de neve cunha pizca de sal e engadímoslle o chocolate, farémolo pouco a pouco y mesturando ambas cousas con suavidade.

6.-Dispoñemos sobre os vasiños ou cuencos e gardamos no frigorífico polo menos un par de horas. Podemos preparar este postre cun día de antelación.