Pastel de polbo

Receita cedida por Restaurante Cho

Ingredientes:

-500 g de polbo cocido

-400 ml de nata

-5 ovos

-150 ml de tomate frito

-150 g de porro

-100 g de cebola

-Sal

-Pementón doce

-Aceite de oliva

Elaboración:

-Nun cazo con aceite engadir o porro e a cebola limpos e troceados.

-Deixar rehogar ata que collan un pouco de cor e incorporar o polbo en pedazos e deixar facer uns minutos para que se integren ben os sabores. Engadir o tomate frito e a nata.

-Deixar cocer sen deixar de remover durante uns 10 minutos e retirar do lume.

-Deixar repousar para que enfríe un pouco e pasar pola batedora ata que estea homoxéneo.

-Bater os ovos e mesturar coa crema de polbo

-Untar un molde de cake con aceite e engadir a crema.

-Meter no forno ao baño María a 170º durante 40 minutos.

-Sacar do forno e deixar enfriar.

-Desmoldar e servir con aceite de oliva e pementón doce.