Pisto de verduras

Receita cedida por Ternera Grill

Ingredientes (para 2 persoas):

4 tomates pelados.

1 pemento verde.

1 pemento vermello.

1 berenxena.

1 calabacín.

1 cebola.

2 dentes de allo triturados.

Sal.

Perexil.

Aceite de oliva.

Elaboración:

Grao de dificultade: 0. Tempo de elaboración: 1 hora.

1.-Cortamos en dadiños pequenos todos os ingredientes.

2.-Nunha tixola fonda agregamos un chorro xeneroso de aceite de oliva e sofreímos a cebola e os allos a lume medio baixo e agregamos un toque de sal.

3.-Deixamos cociñar ata que a cebola estea cristalina. Neste punto agregamos os pementos, o calabacín e a berenxena. Cando estean suaves agregamos os tomates con todo o seu zume e o perexil. Correximos de sal.

4.-Tapamos e deixamos cociñar por media hora ou ata que o zume dos tomates se consuma, e temos un delicioso pisto de verduras.

Eu acompañeino con pasta. Un plato san e nutritivo.