Rape á Cedeiresa

Receita cedida por Restaurante Cho

Ingredientes

1 cola de rape cortada en toros

150 grs de ameixas

8 lagostinos

1 cebola

1 pemento vermello

1 vaso de salsa de tomate

1 bote de guisantes

2 dentes de allo

1 vasiño de viño branco

Loureiro

Azafrán ou condimento

Aceite de oliva

Sal

Fariña

Ovos

Elaboración

-Pelar e picar a cebola e o pemento. Poñelo todo nunha cazola cun pouco de aceite de oliva, deixar que vaia pochando.

-Cando estea un pouco doradiña, engadir o allo e ao minuto a salsa de tomate e unha folla de Loureiro.

-Deixar a lume medio uns minutos e despois botar os guisantes, o viño branco e un pouco de condimento.

-Rebozar o rape en fariña e ovo e fritilo en aceite por ambos os dous lados

-Engadirllo á salsa, tapar a cazola e deixar cocer a lume lento uns quince ou vinte minutos.

-No último momento engadir as ameixas e os lagostinos.  Apagar o lume e servir quente cunha base de patacas fritidas cortadas en láminas moi finas ou de arroz branco e… a desfrutar!!!