Solombo de vaca sobre cama de puré de patacas e sutileza de verduriña

Receita cedida por Restaurante San Andrés

Ingredientes:

·Solombo de vaca de 280 gramos aproximadamente

Puré de patacas:

·4 patacas do país que se cocen enteiras coa súa pel

· Sal

· Leite

· Manteiga

· Noz moscada

· Verduriñas de cercanía

Elaboración:

1.-Cócense as patacas e escúrrense. Engádese a manteiga, a noz moscada e o leite, meesturando pouco a pouco ata conseguir a consistencia dun puré untuoso e fino.

2.-Teremos o solombo a temperatura ambiente uns 10 minutos aproximadamente antes de colocar na prancha, despois pintarémolo por cada lado con aceite de oliva virxe extra e colocaremos na prancha a redor duns 7 minutos por cada lado. Retiraremos e daremos uns cortes.

3.-Colocaremos nun prato quente: coa axuda dunha manga, o puré de patacas, enriba deste o solombo con sal en escamas e a un lado un toque de verduriñas para aportar cor e frescura.