Steak Tartar

Receita cedida por Restaurante San Andrés

Ingredientes:

- 200 g de solombo de tenreira.

- 1/2 cullerada de ceboleta picada.

- 1/2 cullerada de alcaparras picadiñas.

- 1/2 cullerada de mostaza en gran (á antiga).

- Una cullerada de postre de salsa perrins.

- 7 gotas de tabasco.

- Unha xema de ovo.

- 2 culleradas de aceite de oliva virxe extra.

- Sal e pementa negra ao gusto.

- Verduriñas de tempada para decorar.

- Rebanadiñas de pan fresco cortado moi fino e tostadas ao forno.

Elaboración:

-Córtase (a coitelo sempre) o solombo en cuadradiños iguais e pequenos.

-Colócase nun bol de aceiro ou cristal previamente frío do frigorífico.

-Agrégase a ceboleta e as alcaparras e revólvese cunha culler tamén fría.

-A parte mestúrase a xema do ovo, sal, pementa, mostaza, salsa perrins e Tabasco. Unha vez todo unido vaise engadindo o aceite pouco a pouco e todo incorpórase á carne, con movementos envolventes.

-Colócase tapado en papel film 4 minutos no frigorífico.

-Mentres, nun prato ou bandexa adornamos con verduriñas, incorporamos o Steak Tartar, e as rebanadas de pan.