Tarta de arándanos

Receita cedida por Restaurante San Andrés

Ingredientes:

Para 8 porcións

400 g de Arándanos de Biosbardos-Cultura de Leira.

Para a base quebrada:

250 g. de fariña

2 xemas de ovo

125 g. de azucre

100 g. de manteiga

una pizca de sal

una copiña de auga tépeda

Para a crema:

3 ovos

4 culleradas de azucre

6 culleradas de leite enteira Cagiao

70 g. de améndoa moída

8 améndoas fileteadas

Elaboración:

Para a base quebrada:

Amasar ben integrando cada ingrediente coas mans, importante que a manteiga estea a temperatura ambiente. Deixar repousar tapada cun pouco de papel film media hora.

Para a crema:

Bátense os ingredientes cunhas varillas, e ao final incorpórase a améndoa moída e a fileteada e mestúrase suavemente.

Estiramos a masa para a base nun molde para tartas, tentando que quede o máis fina posible, cubrindo ben os laterais. Incorporamos os arándanos, despois a crema que realizamos e pintamos con 2 xemas de ovo e un pouquiño de azucre glas.

Ao forno medio sobre uns 45 minutos.