Tarta de filloas con crema e chocolate

Receita cedida por Restaurante San Andrés

Ingredientes:

-Para as filloas: un litro de caldo de cocer un óso de espiñazo, 9 ovos enteiros, 500 gramos de fariña.

-Para o recheo:

-200 gramos de chocolate ao 85%

-16 xemas de ovo

-600 gramos de azucre

-120 gramos de fariña de millo

-2 litros de leite enteira

-Pel de limón e 2 paus de canela para aromatizar o leite.

Elaboración:

1.-Mesturamos cun batidor manual os ingredientes das filloas e deixamos repousar media hora. Voltamos a mover a mestura e procedemos a facer as filloas. Reservamos.

2.-Derretimos ao baño de María o chocolate.

3.-Quentamos litro e medio de leite aromatizándoo coa pel de limón e a canela.

4.-Mesturamos ben as xemas e o azucre. Unha vez obtida unha crema agregamos a farina de millo e o medio litro de leite frío. Mesturamos moi ben e incorporamos pouco a pouco o lecite caliente sen ferver. Coamos para outro recipiente e poñemos a lume moi suave, removendo cunha culler de madeira ata que espese sen gromos. Incorporamos a metade desta crema ao chocolate derretido. Así teremos as dúas cremas.

5.-Procedemos a montar a tarta:

Unha filloa. Despois unha capa de crema, outra filloa e enriba unha capa de crema de chocolate e así ata rematar cunha capa de chocolate.

Esta tarta debe repousar no frigorífico ata o día seguinte.