Tosta de salmón e laranxa

Receita cedida por Restaurante Cho

Ingredientes:

-2 laranxas cortadas a láminas e sen nada branco.

-Salmón afumado ou marinado.

-Noces e améndoas

-Aceite de oliva

-Vinagre

-1 chorriño de brandy

-Pan

Elaboración:

1.-Pelamos unha laranxa e laminamos en liscos finas. É moi importante que non leve nada da pel branca que recobre a laranxa, pois quedaríanos amarga. Reservamos.

2.-Deixamos preparados os liscos de salmón para a montaxe final.

Preparación do prebe agridoce de laranxa:

1.-Exprimimos a metade dunha laranxa. Reservamos o zume.

2.-Nun morteiro picamos as noces e as améndoas. Retiramos a un plato.

3.-Nunha taza mesturamos o aceite de oliva co vinagre e o chorriño de brandy. Mezclamos cun garfo. Engadimos un pouco de sal, pemeenta, o zume de laranxa e os froitos secos.

E montamos a tosta:

Rebanada de pan, enriba unha capa de salmón, a laranxa e rociamos o prebe agridoce por enriba.