Os veciños de Alfonso IX piden o traslado do cuartel da Garda Civil por seguridade

O Concello ten que reordenar os estacionamentos no entorno do acuartelamento para cumprir os requisitos de seguridade que regula o Ministerio de Interior
O Concello de Betanzos anunciou a reordenación do aparcamento no entorno do cuartel da Garda Civil por cuestións de seguridade. A medida, que supón eliminar varias prazas de estacionamento, non agradou aos veciños e comerciantes da zona que pediron non so alternativas ao aparcamento senón o traslado das dependencias policiais a outra zona: “se estamos a falar de seguridade nós non cremos que retirar aparcamentos sexa a solución, a solución sería trasladar o cuartel a unha zona separada do centro urbán”, din algúns veciños.
Ademais están preocupados porque “a publicidade que se lle deu ás medidas que se van tomar puxo esta zona no punto de mira, estase a trasladar unha imaxe de inseguridade que non beneficia nin aos veciños nin aos empresarios da zona”, afirman outros.
O Concello mantivo varias xuntanzas cos veciños nas que se formularon diferentes opcións e mesmo non descartan a petición do traslado das instalacións a outra zona. Polo momento os residentes e o Concello seguen a manter reunións de cara a chegar a unha solución a esta cuestión.
O BNG leva ao Congreso a petición de trasladar o cuartel
O voceiro do BNG no Congreso dos Deputados, Francisco Jorquera, rexistrou unha iniciativa na que interpela ao Ministerio de Interior sobre as súas intencións con respecto ao traslado do cuartel da Garda Civil desde a Feira Nova ata o extrarradio de Betanzos. Jorquera detalla na súa iniciativa a alarma veciñal xurdida logo de que o goberno local anunciase que o goberno central esixira ampliar o contorno de seguridade do cuartel obrigando a suprimir o estacionamento na praza, medida que suporía “un perxuizo importante para os residentes e os negocios radicados na zona,a escasos metros da praza do Campo”.
A postura do BNG de Betanzos defende o traslado do cuartel fóra do centro urbán e a recuperación da parcela sobre a que se asenta para usos públicos municipais. O tema xa foi tamén levado a Pleno o pasado 27 de outubro polo grupo nacionalista e tamén trasladou ao Delegado do Goberno o malestar veciñal nunha recente visita deste á cidade.

 


Novas relacionadas


BETANZOS ACTIVA AS MEDIDAS DO PROTOCOLO DE CONTENCIÓN DO COROAVIRUS

13/03/2020

Ante a situación provocada pola pandemia do coroavirus Covid-19, o Concello de Betanzos anunciou a adopción dunha serie de medidas orientadas a cont...


leer máis


UN CONCERTO HISTÓRICO DE LEO NUCCI PON HOXE O PECHE AO “ANO DE BETANZOS”

13/02/2020

“Grazas infinitas. É unha honra e un privilexio. Non poderiamos imaxinar un colofón mellor a este ano de conmemoración do 800 aniversario. Para B...


leer máis


BETANZOS RENDE HOMENAXE A ROSALÍA DE CASTRO

17/02/2020

Betanzos celebra o Día de Rosalía con varias actividades entre os días 17 e 29 de febreiro para homenaxear á poetisa. Haberá exposicións, activi...


leer máis


A XUNTA DECLARA O PASATEMPO BEN DE INTERESE CULTURAL

07/02/2020

O Consello da Xunta declarou onte o Parque do Pasatempo como Ben de Interese Cultural (BIC) na categoría de xardín histórico, poñendo fin a un exp...


leer máis