ACEBE CCA porá en marcha entre o 15 de abril e o 10 de maio a súa campaña de primavera na que sorteará, mediante premio directo, 2.000 bolsas de t...
Un cento de nenos e nenas participaron nos talleres de cociña de "BetanChef"
Un dos talleres de cociña infantil de "BetanChef"
Case un cento de nenos e nenas participaron nos talleres "Menuda Cociña" incluídos na programación de BetanChef. Esta actividade, organizada pola Asociación de Comerciantes e Empresarios de Betanzos Centro Comercial Aberto, ACEBE CCA, desenvolveuse na Praza do Campo o pasado sábado 15 de xuño.
En total foron 98 os nenos e nenas que aprenderon a elaborar sinxelos pratos da man dos monitores de Punto Up Arte, 40 na quenda da mañá e 58 na quenda da tarde.
Pola mañá, os participantes elaboraron tartas de "huesitos" e pola tarde tortilla ao forno. Pratos que ademais puideron degustar.
Para participar nos talleres de cociña infantil era preciso dispor dunha invitación que os comercios e empresas asociadas a ACEBE CCA repartiron nos días previos entre os seus clientes.
Ademais dos obradoiros de cociña, a iniciativa de ACEBE CCA incluía unha ruleta de premios na que se repartiron centos de agasallos entre os nenos e nenas que se achegaron á Praza do Campo coa súa invitación. Os premios máis solicitados foron os bonecos SuperZings. Tamén se repartiron libros e xogos de mesa. Tamén se entregaron numerosos agasallos cedidos por Gadis, patrocinador da campaña, que aportou bonecos dos Súpersaludables.
Cociña de altura en “BetanChef”
A campaña completouse cos showcooking impartidos por hostaleiros locais nos que participaron ducias de persoas que, ademais de aprender os segredos e trucos de cociña, puideron degustar as creacións de Restaurante Casanova, A Cova do Frade e Mesón O Pote.
Restaurante Casanova cociñou "Regañá de sardiñas sobre pan carbón de masa nai e sementes, ceboliño e aire de tomate", "zamburiña con AOVE de algas nori e wakame" e "Caniñas recheas de crema pasteleira".
A Cova do Frade preparou "Matrimonio de steak tartar e atún vermello", "Vieira galega lañada, mazá e apio", "Xarda marinada e auga de gaspacho" e "Froitos vermellos e infusión floral".
Mesón O Pote elaborou "Arroz meloso de berberechos, bacallau e alga wakame" e "Coulant de chocolate".
As demostracións de cociña contaron cunha alta participación de xente que se achegou ata a praza para descubrir os segredos culinarios destes exquisitos pratos. Ademais, os cociñeiros respostaron ás preguntas e dúbidas que o público lles formulou.
"BetanChef" contou coa colaboración da Xunta de Galicia, da Deputación da Coruña, do Concello de Betanzos e de Gadis.
Novas relacionadas
21/03/2024
ACEBE CCA puxo en marcha o servizo de envíos gratuítos para as vendas en liña ao que polo momento se sumaron un total de 18 comercios. Trátase dun...
15/03/2024
A Asociación de Comerciantes e Empresarios de Betanzos, Centro Comercial Aberto (ACEBE CCA) e Sabadell Gallego asinaron a renovación do convenio de ...
16/02/2024
ACEBE CCA organiza na fin de semana do 2 e 3 de marzo unha nova edición de MercaBetanzos, a feira de oportunidades do comercio local, na que particip...