Doce expositores participan no “Betanzos Showroom Celebra” de ACEBE CCA

Unha ducia de expositores relacionados coa celebración de eventos daranse cita na primeira edición de “Betanzos Showroom Celebra”, organizado por ACEBE CCA.

A mostra celebrarase no Edificio do Matadoiro, no barrio de A Ribeira, na fin de semana do 26 e 27 de marzo en horario ininterrompido de 11.00 a 20.00 horas. Haberá expositores de roupa de noiva e noivo, de comuñón, catering, fotografía, salón de peiteado e maquillaxe, viaxes, agasallos, música, animación…

Nesta primeira edición participan un total de doce negocios asociados a ACEBE CCA: Bicoca Moda Home, Cuore Boutique, Larpeiradas Babel, Artesa da Moza Crecha, Xoma Kids, Fuchica Na Testa, Zafiro Tours, Selperia, Disco Móvil Sebas 21, Compás Proxectos, SV Estética e Soloe Viajes. O evento conta coa colaboración especial de Flores Dans que se ocupará da decoración do recinto. A entrada será libre seguindo os protocolos sanitarios de prevención da covid-19 e adoptaranse as medidas de seguridade vixentes.

“Betanzos Showroom Celebra” está organizado por ACEBE CCA e conta coa colaboración do Concello de Betanzos, da Deputación da Coruña e da Xunta de Galicia.