Unha ducia de socios de ACEBE CCA colabora na venda dos calendarios solidarios Noel Balsa González editados polo IES Francisco Aguiar

O IES Francisco Aguiar de Betanzos editou, por sexto ano consecutivo, os calendarios solidarios Noel Balsa González en favor de Cris Contra el Cáncer, co patrocinio da Fundación María José Jove.

Os calendarios, elaborados con ilustracións de alumnos e alumnas do centro, están á venda na secretaría do IES Francisco Aguiar, nas oficinas de ACEBE CCA (de luns a venres en horario de 10.00 a 14.00 horas) e en trece negocios colaboradores asociados a ACEBE CCA. O prezo é de 5 euros e a recadación íntegra destínase á investigación contra o cancro infantil a través da Fundación Cancer Research Innovation Spain.

Os establecementos asociados nos que poden mercarse os calendarios son: Bicos, Óptica Brigantium, Óptica, Parafarmacia, Herboristería Selgas, La Pelu de Nana, Alecrín, Chocolat, Comercial Veiga, O Ekolar, Larpeiradas Babel, Ortopedia Betanzos, Xoma Kids, Beatriz 13, Maskesueños e Libraría Biblos.

Coa edición dos calendarios solidarios, o IES Francisco Aguiar mantén no recordo a Noel Balsa González, o mozo betanceiro que fora alumno do centro e que faleceu por mor dun meduloblastoma tras loitar durante anos contra esta enfermidade.