Unha trintena de negocios súmase á proposta de ACEBE CCA para celebrar o Samaín

Unha trintena de negocios de diferentes sectores sumouse á proposta de ACEBE CCA para festexar o Samaín. Os nenos e nenas que se disfracen na tarde do 31 de outubro recibirán unha doce sorpresa nos establecementos adheridos á campaña.

En total son 29 os locais que ofrecerán os seus doces aos rapaces e rapazas que pasen polas súas instalacións cos seus disfraces: Alecrín, Casa do Queixo, Co&Codiseño, CrossFit Betanzos, Dans, El Cantón Ropa Interior, Fontela 2000, Gadis, Graf Moda Joven, Grelo Comunicacións, Larpeiradas Babel, Lencería Alicia, Libraría Biblos, Maskesueños, O Ekolar, Óptica Betanzos, Óptica Brigantium, Óptica-Parafarmacia-Herboristería Selgas, Peluquería Onda, Pobesalud, SAD Verónica a tu lado, Salón de belleza Lolita’s, Shoes & Bags, Talleres Campañó, Tien 21 Molares Eumegás, Tocho Comercial, Un mundo de Fruta, V.A. Productos e Xoma Kids.

Esta é a primeira vez que ACEBE CCA promove unha iniciativa relacionada coa festividade do Samaín e a directiva destacou a alta participación de negocios de tan variados sectores.