Unha vintena de comercios súmase ao novo servizo de envíos gratuítos de ACEBE CCA

Un total de 18 comercios asociados a ACEBE CCA sumáronse ao novo servizo de envíos gratuítos para as vendas en liña que a asociación ofrece aos seus socios e socias.

Trátase dunha nova prestación exclusiva para comercios mediante a que a asociación busca "impulsar a competitividade do comercio local no mercado global de Internet", tal e como explicou a presidenta de ACEBE CCA, María Luisa Pérez Iglesias. "Ademais, fomentamos as vantaxes do asociacionismo para que os comercios tomen conciencia da necesidade de formar parte das asociacións de comercio que lles ofrecen beneficios directos a través de accións como esta", subliñou a presidenta do colectivo.

100 euros mensuais

Cada comercio inscrito no novo servizo disporá dun saldo de ata 100 euros mensuais para sufragar os gastos de envío das compras que os seus clientes realicen nos seus negocios a través das súas páxinas web ou das redes sociais. Esta contía poderá ser revisable e mesmo incrementarse segundo o volume de vendas ou a demanda dos negocios inscritos. Os envíos realizaranse a través da sucursal de MRW de Betanzos que xa contactou cos diferentes comercios apuntados para explicar as condicións da prestación.

O servizo estará subvencionado pola Xunta de Galicia a través das Subvencións ás asociacións de comerciantes sen fins de lucro para a dinamización dos centros comerciais abertos de Galicia, e estará activo ata o vindeiro mes de outubro ou ata que se esgote o crédito concedido pola Consellería.

Os comercios asociados a ACEBE CCA que desexen inscribirse poden facelo enviando un correo electrónico a: acebe@comerciodebetanzos.com ou comunicándose coa asociación no teléfono 981774574 de luns a venres en horario de 10.00 a 14.00 horas.


Novas relacionadas


ACEBE CCA PON EN MARCHA A CAMPAÑA DE ENVÍOS GRATUÍTOS PARA AS VENDAS EN LIÑA

21/03/2024

ACEBE CCA puxo en marcha o servizo de envíos gratuítos para as vendas en liña ao que polo momento se sumaron un total de 18 comercios. Trátase dun...


leer máis


ACEBE CCA E BANCO SABADELL ASINAN UN CONVENIO DE COLABORACIÓN CON VANTAXES PARA OS NEGOCIOS ASOCIADOS

15/03/2024

A Asociación de Comerciantes e Empresarios de Betanzos, Centro Comercial Aberto (ACEBE CCA) e Sabadell Gallego asinaron a renovación do convenio de ...


leer máis


ACEBE CCA ORGANIZA UNHA NOVA EDICIÓN DE MERCABETANZOS O 2 E 3 DE MARZO NO LICEO

16/02/2024

ACEBE CCA organiza na fin de semana do 2 e 3 de marzo unha nova edición de MercaBetanzos, a feira de oportunidades do comercio local, na que particip...


leer máis


ACEBE CCA SORTEA 100 EUROS NA SÚA CAMPAÑA DE SAN VALENTÍN

07/02/2024

ACEBE CCA sorteará 100 euros en acebecheques a través da súa campaña de San Valentín. Para participar será preciso respostar a un cuestionario a...


leer máis